பேரன்ட்ஸ் கிளப்

பள்ளிகளில் பரிட்சை வைக்கும் பொழுது
முட்டி மோதிக்கொண்டு மனப்பாடம் செய்து
வரிக்கு வரி அப்படியே எழுதும் நிலைதான்
இருக்கிறது.
ஆனால் இத்தகைய பரிட்சை நிஜமாகவே
மாணவனின் அறிவுத்திறனை சோதிக்கிறதா
என்று பார்த்தால் கேள்விக்குறிதான்!!!

பரிசோதித்தலில் மாணவனின் அறிவுத்திறன்,
எங்கே குறை என்று கண்டுபிடிப்பதை விடுத்து
பரிட்சையின் தரத்தால் மாணவனின் தரமும்
கண்டுபிடிக்க இயலாமல் போகிறது.

என் பிள்ளைகளின் பள்ளியில் ASSET
எனும் பரிட்சை வைக்கிறார்கள்.
ஆங்கிலம், கணிதம்,அறிவியல்
பாடங்களில் தேர்வு வைக்கிறார்கள்.
இந்தத் தேர்வில் குழந்தை எவ்வளவு
தூரம் பாடத்தை புரிந்து கொண்டுள்ளது
என்பதை குழந்தைக்கும், பெற்றோருக்கும்
புரிய வைக்கும் ஒரு முயற்சியாக இருக்கிறது.
(CBSC முறைக் கல்வி)




EDUCATIONAL INITATIVES எனும் அமைப்பு இத்தகைய
பரிட்சையை பள்ளிகள் மூலமாக நடத்துகிறது.
தங்களிடம் பதிவு செய்து கொண்ட பள்ளிகளின்
பிள்ளைகளுக்கு இந்தப் பரிட்சையை நடத்தி
அவர்களின் அறிவுத்திறனை சோதித்து
சொல்கிறது.

இதன் ரிசல்டுகளை வைத்துக்கொண்டு நாம்
பிள்ளையின் படிப்பின் வளர்ச்சிக்கு உதவ முடியும்.
தனது குறைப்பாட்டை களைந்து அடுத்த வருடம்
தேர்வை எதிர் நோக்கும் விதமாக MINDSPARK
எனும் கணிணிசார் பயிற்சி ஒன்றை வழங்குகிறது
இந்த அமைப்பு.



ASSET WEBSITE

இத்தகைய தேர்வுகள் தமிழகத்திலோ மற்ற மாநிலங்களில்
நடக்கிறதா என்பது தெரியவில்லை. (இந்த அமைப்பு
அங்கெல்லாம் இயங்குகிறது என்றாலும் பள்ளிகள்
முன்வராவிட்டால் ஒன்றும் செய்ய இயலாதே.

இதைப்பற்றி உங்களுக்கு ஏதும் தெரிந்தால் பகிர்ந்து
கொள்ளலாமே???